Sach kahoon ya jhoota hi sahi!

ACCEPTING THE AUTHENTIC SELF

LIFE AS AN EMPATH: EVERYBODY CARES & EVERYBODY DOESN'T REALLY!

Aap log yeh zarur soch rahe hoge ki mai itne dino se kaha thi? Well, kuch naya toh nahi hoga agar mai yeh kahu ki meri life ka ped bilkul patjhad ke mausam jaisa bikhar raha tha. Hum sabki life mein achhe aur bure din saath-saath chalte hain, aur hum bachpan se yeh reality sunte aate hain. Jaise mausam badalte hain, waise hi life ke bhi alag-alag phases hote hain. Lekin kabhi-kabhi aisa lagta hai ki hum ek T-point par khade hain, jaha se hume ek raasta chunna hota hai. Beech ka raasta kabhi hota hi nahi. Aur main Aurangzeb bhi nahi jo deewar ke beech se raasta nikal lu. So, I just float with divine timing, fate, and the wish of the universe.

Log aksar mujhe kehte hain ki mai galat kar rahi hoon, ki yeh decisions mujhe success tak nahi le jaayenge. They say I should start thinking with my brain, not my heart. But agar main aisa karti hoon toh main apni asli self kho dungi, and that’s something I’m not ready to sacrifice. Isliye, main khush hoon ki main woh gulab hoon jo kaaton se ghiri hai—jo agar kisi ne todne ki koshish ki, toh woh chubhkar apni khushboo door se bikherti rahegi.

Life ke is safar mein jitni akeli hoon, utni hi deeply connected feel karti hoon apne Baba (Mahadev) se. Toh kya hua agar mere parents alag ho gaye jab mai chhoti thi? Toh kya hua agar pyaar ki talash mein galtiyan hui? Toh kya agar sautela baap mujhe control karne ki koshish karta tha? Aur yeh bhi naya nahi hai ki maine apni awaz ko sunte hue, 10 December 2019 ko apna ghar chhod diya. Yeh sab kahaniyan humne kai baar suni hain. Lekin jo naya nahi hai, woh yeh hai ki har subah jab mai uthti hoon, toh koi apna chehra, muskurahat ya awaz nahi hoti jo mujhe jagaye.

In sab challenges ke beech mai apne aap se ek ultimate lover ki tarah pyar karti hoon. Har fallback pe, main khud ko uthati hoon. Kyunki mujhe apne Mahadev pe atoot vishwas hai, jo is pyar ko zinda rakhta hai. Varna log toh hamesha apni kahani ke hisaab se aapko galtiyan dikhate rahenge. Lekin samajhna toh khud ko hi padta hai.

Sach yeh hai ki apne authentic self ke saath jeena sabse tough hota hai. Aur mai is akelapan ka bhi shukr manati hoon, kyunki isne mujhe duniya ko empathy ki nazar se dekhna sikhaya. Aaj kal log sympathy ke takiye bunna pasand karte hain, lekin jab tak unhe sukoon milta hai, ya toh unki neend toot jaati hai ya sapne bunna chhod dete hain.

Aur yahi reason hai ki main apne life problems, family drama, ya separation ko kisi se chhupati nahi. Log kehte hain apne raaz chhupao, lekin yeh sabhi sheeshe ke wo tukde hain jinhone mujhe strong banaya hai.

So, here I am, just being "EesYugKiRati", who deeply understands sab kuch, lekin tab tak koi mujhe samajh nahi paayega jab tak main duniya se alvida nahi keh deti.

Yeh blog meri journey ka ek aur chapter hai. Or hmesha ki tarah mujhe abhi bhi is life mei maza aa raha hai fir chahe vo dusro ki nazaro mei kaisi bhi ho!