Vanvaas aakhir kyun hai zaruri? (Part 6)

 LET'S BECOME A CHILD AGAIN!

Life Ke Sikke Ke Do Pehlu: A Journey from Noses to Roses

Ringa ringa roses, pocket full of noses! Haha, wait, noses? Yeah, kyuki aajkal toh sabki naak bas padosi ke pocket mein kya hai, uspe hoti hai! Gareeb hone ka yeh ek ajeeb sa equation hai – ek taraf duniya ke saath struggle, aur doosri taraf apne andar ki duniya ko samajhne ka ek anmol chance. But society's obsession with other's success, failures, and wealth always makes me wonder – gareebi, boon hai ya ban? Iska jawaab blog padhne ke baad mai aap par chodti hoon to comment karke "Boon" ya "Ban" likhkar zarur batana. 

 

Mere case mein, it’s a blessing. Kyunki maine realize kiya, jo parents apne bachchon pe dhyaan nahi de paate, it’s not always because they don't care. Sometimes, it's their own financial struggles, their constant worries and frustrations that don’t leave them the space or energy to shower us with love and understanding. Agar mera baap bhi Ambani hota, toh shaayad pyaar ke naam pe shaadi mein karodo uda diye hote, par yaha toh 10 rupee ka kharcha bhi balance sheet mein barabar likhna padta hai! Poor things, lol!

Apni life ki story main Ramayana ke uss qisse se connect karti hu, jo hum bachpan se sunte aaye hai. Ramji ka vanvaas, Kaikeyi ka putra-moh, aur Raja Dashrath ka apne vachan ki wajah se suffer karna. Kaikeyi ka moh, Dashrath ka mental breakdown, aur Ramji ka fate ko accept karna – yeh sab humari life ke bade bade lessons hai. And therein lie 3 major life lessons (VIKAAR, VINAASH, VIKAAS). Lessons we are reminded of every year through Ganesh Chaturthi, where Bappa graces our homes to make us confront our inner “vikaar,” like Kaikeyi’s attachment to her son. Once we identify that flaw, Bappa helps us cleanse it "Vinaash", sparing us the mental exhaustion Raja Dashrath faced. Lastly, surrendering to our fate and living with the right virtues "Vikaas", like Ram, leads to true growth and inner heroism. 

Samajhne wali baat yeh hai ki mythologies ko puppet show ki tarah nahi dekhna, balki unhe apne jeevan mein utaarna hai. Jaise Shree Ram ne apne vanvaas ko accept kiya, waise hi hume bhi apne comfort zone se nikalna padega, apne vanvaas ko khud choose karna padega.

Just like Krishna's Gita teachings at the end of Dwaparyug gave us divine clarity, abhi bhi is universe mein kaafi aisa wisdom hai jo visible nahi, bas "experience" ke through aata hai. Dwaparyug ko main apni dictionary mein break karti hoon as the age of 3D experiences, jaise astral projection, time travel, etc., jo aaj kal extinction pe hain. Aur Kaliyug ke start ke saath, everything became dual – "Maya" aur "God." Just like how ek sikke ke do pehlu hote hain, waise insaan ke bhi – achha aur bura. Sukh ka asli ehsas tabhi hota hai jab dukh dekha ho, aur jab bura waqt aata hai, it's our Agni Pariksha – to see if we emerge as victors or stay stuck in the cycle of sorrow.

Kaliyug mei agar hum Maya mein phase rahe, toh har bure waqt ko dukh samajhte hue jeete rahenge. Lekin agar us bure mein bhi kuch acha dekhne ka hunar seekh liya, toh hum apne andar ke parmatma se milan ki taraf badhenge. And that’s when we will truly mature and grow beyond duality.

Zindagi ka yahi asli khel hai – har janam ek nayi kahani, naye kirdaar, aur ek nayi pehchaan. Aur saath aati hai freewill to understand the deep wisdom of all the four Yugas.

• Satyug taught us brahmacharya till a certain age,
• Tretayug emphasized the importance of grihasth life,
• Dwaparyug taught us that life is an evolving journey,
• And Kaliyug is here to tell us: focus on yourself, dive deep into your own light, and attract abundance.

These four Yugas reflect the four ashrams of our life – a blueprint of human evolution. Childhood, household life, hermitage, and renunciation. Agar hum in principles ko apni zindagi mein utaar le, toh hum kaliyug ki maya ko paar karke apni jung jeet sakte hai.

 

Aur yeh jo safar hai, yeh koi ek din ka nahi, balki har janam ka hai. It’s about breaking free, learning, growing, and realizing ki real success sirf duniya ke paise ya power mein nahi, balki apne andar ke universe ko pehchaan kar usme dive karne mein hai. And this is just the beginning of my journey. Keep following, keep reading, and let’s grow together!

Zindagi ke is journey ko jeete hue, main bas yeh kehna chahti hu ki agar tum apne andar ki awaz suno, toh duniya ka koi bhi sikka tumhe swayam ko pehchaanne se rok nahi sakta.